විශ්ව විද්යාල අධ්යාපනය පාසල් අධ්යාපනයට වඩා වෙනස් වන අතර පාසලේදී මෙන් උදෑසන රැස්වීමේදී විදුහල්පතිතුමා විසින් වැදගත් තොරතුරු පවසන අන්දමට විශ්ව විද්යාලයේ සිදු නොවේ. සියළු එදිනෙදා වැදගත් තොරතුරු අධ්යනාංශ පීඨාධිපති කාර්යාලයේ සහ වෙනත් පොදු ස්ථානවල පවතින දැන්වීම් පුවරුවලින් මෙන්ම විශ්ව විද්යාල වෙබ් අඩවිය වන www.sjp.ac.lk යන වෙබ් අඩවියෙන් ද ලබා ගත හැක.
එලෙසම විශ්ව විද්යාල සිසුවෙක් ලෙස මෙහි ගත කරන වසර 3 හෝ 4ක කාලයට අදාළ සියළු තොරතුරු ඇතුළත් සිංහල, දෙමළ සහ ඉංග්රීසි භාෂා තුනෙන්ම මුද්රිත ශිෂ්ය අත්පොත ලැබේ. එහි අධ්යයන ශිෂ්ය කටයුතු අංශය යටතේ ශිෂ්ය ලියාපදිංචි කිරීම්, ශිෂ්ය හැඳුනුම්පත් නිකුත් කිරීම, උපාධි ප්රදානෝත්සවය පැවැත්වීම පිලිබඳ විස්තර ඇතුළත් කර තිබේ. (වෙබ්: https://www.sjp.ac.lk/students_old/student-hand-book/)
ශිෂ්ය සුබසාධන අංශය යටතේ ඉතා වැදගත් නේවාසිකාගාර තොරතුරු, නේවාසිකාගාර ලියාපදිංචිය, නේවාසිකාගාර නීති රීති මෙන්ම මහපොළ ශිෂ්යත්වය ලබාදීම, ශිෂ්යාධාර ලබාදීම, ශිෂ්ය සහන අරමුදල, ශිෂ්ය උපදේශන සේවාව ආදිය පිළිබඳව විස්තර ඇතුලත්වේ. ශිෂ්ය විනය යටතේ විනයාධිකාරිවරුන්, විශ්ව විද්යාලයේ සිසුන් පිළිපැදිය යුතු පොදු උපදෙස් සහ නවක වදය තහනම් කිරීමේ පනත පිලිබඳ විස්තර දැක්වේ. පුස්තකාලය විශ්ව විද්යාලයේ තවත් වැදගත් අංශයක් වන අතර පුස්තකාලයේ ලියාපදිංචි වීම, පුස්තකාල පරිහරණයට අදාළ උපදෙස් සහ එය විවෘතව තැබෙන වේලාවන් පිළිබඳවද විස්තර එහි දැක්වේ. විශ්ව විද්යාලයේ විභාග නීති රීති පාසලේ මෙන් නොවන අතර ඉතා තදින් ක්රියාත්මකවේ. විභාග වරදවල් සහ ඒ පිළිබඳ විස්තර, දඬුවම් විභාග නීති රීති යටතේ දැක්වේ. විභාග වලදී විනයගරුකව, නීතිගරුකව කටයුතු කළ යුතුවේ. (වෙබ්: https://www.sjp.ac.lk/students_old/student-welfare-division/)
පුස්තකාලය විශ්ව විද්යාලයේ තවත් වැදගත් අංශයක් වන අතර පුස්තකාලයේ ලියාපදිංචි වීම, පුස්තකාල පරිහරණයට අදාළ උපදෙස් සහ එය විවෘතව තැබෙන වේලාවන් පිළිබඳවද විස්තර එහි දැක්වේ. (http://lib.sjp.ac.lk/)
තවද සිසුන්ට අවශ්ය ඉංග්රීසි සහ පරිගණක පුහුණුව සඳහා විශේෂ පාඨමාලා සහ මධ්යස්ථාන අදාළ පීඨයන්හි ක්රියාත්මකවේ.
ඉංග්රීසි භාෂා ඉගෙනුම් අධ්යයනාංශය / සන්නිවේදන තාක්ෂනය සඳහා වන මධ්යස්ථානය
විශ්ව විද්යාලයේ සිසුන්ට අවශ්ය අධ්යාපන දැනුම පමණක් නොව සිසුන් පරිපූර්ණ උපාධිධාරීන් කිරීමට අවශ්ය ක්රීඩා, කලා කටයුතු, සමිති සමාගම්, මුදු කුසලතා වර්ධනයට අවශ්ය සියළුම පහසුකම් සපයනු ලැබේ. ශාරීරික අධ්යාපන අංශය යටතේ ක්රිකට්, වොලිබෝල්, මළල ක්රීඩා, දැල් පන්දු, පිහිනීම ඇතුළු ක්රීඩා 25කට පමණ අවශ්ය පහසුකම් උපදේශක වරුන්ගේ සේවය ලබාදේ.
ශාරිරික අධ්යාපන අධ්යයනාංශය / ශාරීරික විද්යා අධ්යයනාංශය
විශ්ව විද්යාල මහා ශිෂ්ය සංගමය, පීඨ ශිෂ්ය සංගමය, බෞද්ධ සංගමය ඇතුළු ආගමික, සංස්කෘතික සංවිධාන, පරිසර සංගමය, කලා සංගමය වැනි සංගම්ද සිසුන් උදෙසා පිහිටුවා තිබේ.
සංස්කෘතික මධ්යස්ථානය මඟින් සිසුන්ගේ කලා කටයුතු, නාට්ය, වාදන, ගායන, නර්තන හැකියාවන් සංවර්ධනයට අවශ්ය පහසුකම් සැපයේ. (http://fhss.sjp.ac.lk/cultural-center/)