ජ’පුර උපකුලපති තුමා හට අග්නිදිග ආසියා විශ්ව විද්‍යාල කලාපීය නියෝජිත ධූරයක් ලැබේ

ශ්‍රී ජයවර්ධනපුර විශ්වවිද්‍යාලයේ උපකුලපති ජ්‍යෙෂ්ඨ මහාචාර්ය සම්පත් අමරතුංග මහතා පොදු රාජ්‍ය මණ්ඩලයීය විශ්වවිද්‍යාල සංගමයේ අග්නිදිග ආසියානු විශ්වවිද්‍යාල කණ්ඩායමේ කලාපීය නියෝජිත ලෙස ඉකුත් දා තේරී පත්විය. 

අග්නිදිග ආසියානු විශ්වවිද්‍යාල කණ්ඩායම බංග්ලාදේශ, ඉන්දියාව, මැලේසියාව, පාකිස්තානය සහ ශ්‍රී ලංකාව යන රටවලින් සමන්විත වේ.

උපකුලපති ජ්‍යෙෂ්ඨ මහාචාර්ය සම්පත් අමරතුංග මහතා උපකුලපතිවරුන්ගේ සහ අධ්‍යක්ෂවරුන්ගේ කමිටුවේ සභාපති ලෙස යෝජනා වූ අතර ඔහු ශ්‍රී ලංකාවේ විශ්වවිද්‍යාල සහ කලාපයේ අනෙකුත් විශ්වවිද්‍යාලවල නියෝජිතයකු ලෙස කටයුතු කරනු ඇත. ශ්‍රී ලංකාවේ සියලු විශ්වවිද්‍යාල සහ කලාපයේ සියලු විශ්ව විද්‍යාල පොදුරාජ්‍ය මණ්ඩලයීය විශ්වවිද්‍යාල සංගමයේ සාමාජික විශ්ව විද්‍යාල වේ.

පොදුරාජ්‍ය මණ්ඩලයීය විශ්ව විද්‍යාල සංගමය ලොව පැරැණිතම විශ්වවිද්‍යාල ජාලයක් ලෙස සැළකෙන අතර එය ආරම්භ කෙරුණේ 1913 වසරේදීය. රටවල් 53ක විශ්ව විද්‍යාල 500කට වැඩි සංඛ්‍යාවක් මෙම සංගමයේ සාමාජිකයෝ වෙති. මෙම සංගමය පොදු රාජ්‍ය මණ්ඩලයීය විශ්ව විද්‍යාල සම්බන්ධ කරමින් දැනුම පදනම් කරගත් ලෝකයක් සඳහා සහයෝගය දක්වයි.

උපුටා ගැනීම http://www.lankadeepa.lk (ජූලි මස 31 වනදා)

වැඩිදුර තොරතුරු සඳහා පිවිසෙන්න: https://www.acu.ac.uk/

Related Posts Plugin for WordPress, Blogger...

Upcoming Events

There are no upcoming events at this time.

News