ACADEMIC STAFF VACANCIES – Faculty of Humanities & Social Sciences

අධ්‍යයන කාර්යය මණ්ඩල පුරප්පාඩු පිරවීම

මානව ශාස්ත්‍ර හා සමාජීය විද්‍යා පීඨය

ශ්‍රී ජයවර්ධනපුර විශ්වවිද්‍යාලය විසින් අදාළ සුදුසුකම් ඇති අපේක්ෂකයින්ගෙන් පහත සඳහන් තනතුරු සඳහා අයදුම්පත් කැඳවනු ලැබේ.

භාෂා, සංස්කෘතික අධ්‍යයන හා ප්‍රාසංගික කලා අධ්‍යයනාංශය

• නර්තනය සහ සංස්කෘතික අධ්‍යයනය පිළිබඳ ජ්‍යෙෂ්ඨ කථිකාචාර්ය (Iශ්‍රේණිය)/ ජ්‍යෙෂ්ඨ කථිකාචාර්ය (II ශ්‍රේණිය)/ කථිකාචාර්ය (ආධුනික)

 නර්තනය සහ සංස්කෘතික අධ්‍යයනය පිළිබඳ ප්‍රථම හෝ දෙවන පෙළ ඉහළ පංති සාමාර්ථයක් සහිතව ශාස්ත්‍රවේදී (විශේෂ) උපාධියක් සමඟ අදාළ විෂය ක්ෂේත්‍රය තුළ පශ්චාත් උපාධි ලබා ඇති අයදුම්කරුවන් කෙරෙහි විශේෂ සැලකිල්ලක් දක්වනු ඇත.

වැටුප් පරිමාණය

 ජ්‍යෙෂ්ඨ කථිකාචාර්ය (I ශ්‍රේණිය)
රු.62,293 – 7×1,438 – 72,359 p.m. (U- AC 3 (I) )
 ජ්‍යෙෂ්ඨ කථිකාචාර්ය (II ශ්‍රේණිය)
රු.54,363 – 11×1,082 – 66,265 p.m. (U- AC 3 (I) )
 කථිකාචාර්ය (ආධුනික)
රු.37,959 – 10 x 883 – 46,789 p.m. (U- AC 3 (IV) )

මීට අමතරව විශ්වවිද්‍යාල ප්‍රතිපාදන කොමිෂන් සභාව විසින් අනුමත දීමනාවන් ගෙවනු ලැබේ. ඒ අනුව,
 ජ්‍යෙෂ්ඨ කථිකාචාර්ය (I ශ්‍රේණිය)
ආසන්න දළ වැටුප රු.150,000/-
(එමෙන්ම මූලික වැටුපෙන් 35%ක ප්‍රමාණයක් “පර්යේෂණ දීමනා” ලෙස පර්යේෂණයක් කිරීමට යටත්ව ගෙවනු ලැබේ.)
 ජ්‍යෙෂ්ඨ කථිකාචාර්ය (II ශ්‍රේණිය)
ආසන්න දළ වැටුප රු.133,000/-
(එමෙන්ම මූලික වැටුපෙන් 35%ක ප්‍රමාණයක් “පර්යේෂණ දීමනා” ලෙස පර්යේෂණයක් කිරීමට යටත්ව ගෙවනු ලැබේ.)
 කථිකාචාර්ය (ආධුනික)
ආසන්න දළ වැටුප රු.88,000/-
(එමෙන්ම මූලික වැටුපෙන් 35%ක ප්‍රමාණයක් “පර්යේෂණ දීමනා” ලෙස පර්යේෂණයක් කිරීමට යටත්ව ගෙවනු ලැබේ.)

ප්‍රතිලාභ: ( ජ්‍යෙෂ්ඨ කථිකාචාර්ය ( I ශ්‍රේණිය)/ ජ්‍යෙෂ්ඨ කථිකාචාර්ය (II ශ්‍රේණිය)/ කථිකාචාර්ය (ආධුනික) )
 මාසික ඉපැයීම්වලින් 10% ක් අර්ථසාධක අරමුදලට බැර වන අතර, විශ්වවිද්‍යාලය විසින් එම තනතුරුලාභීන්ගේ මාසික ඉපැයීම්වලින් 15% ක් ( විශ්වවිද්‍යාලයීය අර්ථසාධක අරමුදල සඳහා 7% ක් හා විශ්වවිද්‍යාල විශ්‍රාම වැටුප් අරමුදල සඳහා 8% ක්) හා 3% ක් සේවා නියුක්ති භාරකාර අරමුදලට බැර කරනු ලැබේ.
 ජ්‍යෙෂ්ඨ කථිකාචාර්ය II ශ්‍රේණිය හෝ ඉන් ඉහළ තනතුරු දරන්නන් සඳහා එක් අවුරුදු වැටුප් සහිත සප්ත වාර්ෂික නිවාඩු හෝ අවුරුදු දෙකක වැටුප් රහිත නිවාඩු සඳහා වසර හතක සේවා කාලය අවසානයේ සුදුසුකම් ලබනු ඇත. මෙම සප්ත වාර්ෂික නිවාඩුව එතෙර ගත කරන විට ඒ සඳහා යානපත්‍ර ගාස්තු ලැබීමේ හිමිකම තනතුරුලාභීයාට මෙන්ම කලත්‍රයාට ද හිමිවේ.

අයදුම්පත් හා අයදුම් කිරීමේ ක්‍රමය
ඉහත තනතුර සඳහා විශ්වවිද්‍යාලයේ අධ්‍යයන ආයතන අංශයෙන් ලබා ගත් අයදුම්පත් මගින් අයදුම් කළ යුතුය. අයදුම්පත, අධ්‍යාපන සුදුසුකම් හා අනෙකුත් විස්තර තැපැල් මගින් ලබා ගැනීමට ස්වකීය ලිපිනය හා අයදුම් කරන තනතුර සඳහන් කර මුද්දර සහිත සෙ.මී.25.5 x සෙ.මී.10 ලිපි කවරයක් නියෝජ්‍ය ලේඛකාධිකාරී/ අධ්‍යයන ආයතන වෙත ආවරණ ලිපියක් සහිතව එවීමෙන් හෝ ශ්‍රී ජයවර්ධනපුර විශ්වවිද්‍යාල නිල වෙබ් අඩවියෙන් (http://www.sjp.ac.lk/vacancies/) බාගත කර ගැනීමෙන් ලබා ගත හැක. අයදුම්පත් නිකුත් කිරීමේ අවසන් දිනය 2017.11.13 වේ.

සම්පුර්ණ කරන ලද අයදුම්පත් ලියාපදිංචි තැපැල් මගින් නියෝජ්‍ය ලේඛකාධිකාරි/ අධ්‍යයන ආයතන, ශ්‍රී ජයවර්ධනපුර විශ්වවිද්‍යාලය, ගංගොඩවිල, නුගේගොඩ යන ලිපිනයට 2017.11.15 දිනට ප්‍රථම එවිය යුතුය. අයදුම්පත බහා එවන කවරයේ වම්පස ඉහළ කෙළවරෙහි අයදුම් කරනු ලබන තනතුර පැහැදිලිව සඳහන් කළ යුතුය.

විශ්වවිද්‍යාල ක්ෂේත්‍රය/ රාජ්‍ය සේවය/ රාජ්‍ය සංස්ථා/ ව්‍යවස්ථාපිත මණ්ඩලවල සේවයෙහි නියුතු අයදුම්කරුවන් ස්වකීය අයදුම්පත් අදාළ ආයතන ප්‍රධානීන් මගින් එවිය යුතුය.

අපේක්ෂකයන්ගේ ලුහුඬු ලැයිස්තු සැකසුම විශ්වවිද්‍යාලය සතු වේ. මෙම අවශ්‍යතාවයන්ට අනුකූල නොවන, අසම්පුර්ණ සහ නියමිත දිනට පසුව ලැබෙන අයදුම්පත් දැනුම්දීමකින් තොරව ප්‍රතික්ෂේප කරනු ලැබේ.

ලේඛකාධිකාරී,
ශ්‍රී ජයවර්ධනපුර විශ්වවිද්‍යාලය,
ගංගොඩවිල, නුගේගොඩ.

Download the Application Form

Download the Particulars
Post of Lecturer

Related Posts Plugin for WordPress, Blogger...

News