දොළොස්වැනි ශ්‍රී ලංකා විශ්ව විද්‍යාල ක්‍රීඩා ( SLUG ) ඊයේ දිනයේදී සමාරම්භක උත්සවයත් සමග ආරම්භ විය. එය දැන් සැප්තැම්බර් 1 දා සිට 12 වැනිදා දක්වා ස්ථාන හතකදී ක්‍රියාත්මක වනවා. SLUG 2016 සදහා ක්‍රීඩා 21 ඇතුලත් වනු ඇති. ඒවා නම් බැඩ්මින්ටන්, පැසිපන්දු, බේස්බෝල්, කැරම්, චෙස්, ක්‍රිකට්, එල්ලේ, හොකී, පිහිනුම්, තෛවොන්ඩෝ, ටෙනිස්, වොලිබෝල්, බර ඉසිලීම, දැල්පන්දු, රගර්, පාපන්දු, කරාතේ, මල්ලව පොර, ඔරු පැදීම, මේස පන්දු, සහ මලල ක්‍රීඩා වේ. දින දොළහක දී කණ්ඩායම් විසි හතරක 5000 කට අධික ක්‍රීඩකයින් පිරිසක් සහභාගි වීමට නියමිතය. මේ වසරේ ක්‍රීඩා සංවිධානය වයඹ විශ්ව විද්‍යාලය විසින් සිදු කරනු ලබන්නේය.
තරඟයේ 2 වන දිනය වන විට ශ්‍රී ජයවර්ධනපුර විශ්ව විද්‍යාලය වැඩිම ලකුණු ( ලකුණු 69 ක් ) ලබා ඇත.
(Image and results from moraspirit)
ක්‍රිකට් අවසන් පූර්ව වටය
ශ්‍රී ජයවර්ධනපුර විශ්ව විද්‍යාලය තරගය දිනා ගැනීමට සමත් විය.
කාන්තා මීටර 100 කඩුලු මතින් දිවීම
ශ්‍රී ජයවර්ධනපුර විශ්ව විද්‍යාලය 2 වන ස්ථානයලබා ගත්තේය.
පිරිමි දුර පැනීම අවසන් තරග
ශ්‍රී ජයවර්ධනපුර විශ්ව විද්‍යාලය 1 වන හා 2 වන ස්ථාන දිනා ගත්තේය.
පිරිමි තුන් පිම්ම අවසන් තරග
ශ්‍රී ජයවර්ධනපුර විශ්ව විද්‍යාලය 1 වන ස්ථානය දිනා ගත්තේය.
තරඟ දියගම මහින්ද රාජපක්ෂ ක්‍රීඩාංගනය, කොළඹ, මොරටුව, පේරාදෙණිය, කැලණිය හා වයඹ විශ්ව විද්‍යාල භූමි තුළ හා කොළඹ ටෙනිස් පිටියේ දී පැවැත්වේ.
