46 වැනි උපාධි ප්රදානෝත්සවයේදී සම්මාන උපාධි පිරිනැමීම සඳහා වන කමිටුවේ නිර්දේශිත නාම යෝජනා විරෝධතා සඳහා ඉදිරිපත් කිරීම.
2020.09.07 වැනි දින පැවති සම්මාන උපාධි පිරිනැමීම සඳහා වන කමිටු රැස්වීමේදී පීඨ විසින් ඉදිරිපත් කරන ලද නාම යෝජනා සම්මාන උපාධි පිරිනැමීමේ නිර්ණායක සහ කොමිෂන් සභා චක්රලේඛ අංක: 908 අනුව ඇගයීමට ලක්කළ අතර, 2020 නොවැම්බර් මස 02 සහ 03 දෙදින කොළඹ බණ්ඩාරනායක අනුස්මරණ ජාත්යන්තර සම්මන්ත්රණ ශාලාවේ පැවැත්වෙන 46 වැනි උපාධි ප්රදානෝත්සවයේදී පහත සඳහන් පරිදි සම්මාන උපාධි පිරිනැමීමට සුදුසු බව නිර්දේශ විය.
| පීඨය | යෝජිත නම | යෝජිත සම්මාන උපාධිය | |
| 01. | මානව ශාස්ත්ර හා සමාජීය විද්යා පීඨය | ටී.එම්. ජයරත්න මහතා | දර්ශනසූරී සම්මාන උපාධිය Ph.D.(h.c.) |
| 02. | ව්යවහාරික විද්යා පීඨය | ඩී.එල්. ජගත් චතුර්දේව ගුණවර්ධන මහතා | දර්ශනසූරී සම්මාන උපාධිය Ph.D.(h.c.) |
ශ්රී ජයවර්ධනපුර විශ්වවිද්යාලයේ සම්මාන උපාධි පිරිනැමීම සඳහා වූ සනාතන සභා නිර්ණායකයන්හී 3.5.(1) ඡේදයේ දැක්වෙන පරිදි සම්මාන උපාධි පිරිනැමීම සඳහා වන කමිටුවේ නිර්දේශ සනාතන සභාවට දැනුම් දීමට පෙර විරෝධතා දැක්විය හැකිය.
“සම්මාන උපාධි කමිටුවේ නිර්දේශ සනාතන සභාවට දැනුම්දීමට පෙර සති දෙකක (02) කාල පර්ච්ඡේදයක් යම් බාහිර පාර්ශවයකට හෝ ආයතනික සාමාජකයින්ට විරෝධතා දැක්වීම සඳහා ලබාදිය යුතුය. දක්වනු ලබන විරෝධතා සංක්ෂිප්තව සහ ලිඛිතව සම්මාන උපාධි කමිටුවේ ලේකම්වරයා වෙත යොමුකළ යුතුය. නිර්නාමිකව ලැබෙන විරෝධතා සලකා බලනු නොලැබේ.”
ඉහත අනු ඡේදයේ දැක්වෙන පරිදි සම්මාන උපාධි පිරිනැමීම සම්බන්ධව යම් විරෝධතාවක් වේ නම් සංක්ෂිප්තව හා ලිඛිතව 2020 සැප්තැම්බර් මස 23 දින හෝ ඊට පෙර ලැබෙන ලෙස නියෝජ්ය ලේඛකාධිකාරී, අධ්යයන ශිෂ්ය කටයුතු හා ප්රකාශන වෙත යොමු කරන මෙන් කාරුණිකව දන්වමි.
නියෝජ්ය ලේඛකාධිකාරි (කමිටුවේ ලේකම්)
අධ්යයන ශිෂ්ය කටයුතු හා ප්රකාශන අංශය
