ශ්‍රී ජයවර්ධනපුර විශ්ව විද්‍යාලය විසින් නවෝත්පාදන ශ්‍රී ලංකා ලාංඡනය එළි දක්වයි.

Innovate Sri Lanka - University of Sri Jayewardenepura

ලොව පුරා සමාජ ප්‍රසාදය හිමි වන නවෝත්පාදන හා නව නිපැයුම් ශ්‍රී ලාංකික අප හට නම් අරුමයක් නොවේ. රාවණ රජු, එතුමාගේ දඬු මොණරය වැනිදේ පිලිබඳ අසමින් හැදී වැඩුණු අපගේ ජාන තුල නව නිපැයුම් හා නව නිෂ්පාදන ගැබ් වී තිබේ. ශ්‍රී ජයවර්ධනපුර විශ්ව විද්‍යාල නවෝත්පාදන ක්ෂේත්‍ර සංකේතය වන මෙම ලාංඡනය සඳහා ලෝක ප්‍රසිද්ධ හා ලොව පුරා විද්වතුන් විශ්මයට පත් කල ශ්‍රී ලංකා නිපැයුමක් වන බිසෝ කොටුව ආදර්ශනය කරගෙන තිබේ. මෙහි උරුසිට වැවේ බිසෝ කොටුව නිරුපණයවේ. තවත් මෙවන් වූ බිසෝ කොටුවක් වික්ටෝරියා ජලාශ කැණීම් වලදීද හමුව ඇත. එම භූමි කැණීම් වලදී පොළව අභ්‍යන්තරයේ තිබූ තාක්ෂණයෙන් පුරාණ ශ්‍රී ලංකා ඉංජිනේරුවරුන්ගේ දැනුම පිළිබිඹු විය.

මෙම ව්‍යාපෘතිය ක්‍රියාත්මක කල කොස්ටේන් කණ්ඩායම බිසෝ කොටුවේ සුවිශේෂත්වය අවධාරණය කළහ. ලිඛිත සුදුසුකම් නොතිබූවත් අපගේ පැරණි ඉංජිනේරුවන්ගේ තාක්ෂණය අති දියුණු හා නූතන තාක්ෂණයට අඩිතාලම විය.

එබැවින් මෙම ලාංඡනය අපගේ පුරාණ උරුමය සැමරීමක්ද වේ. හිස් සතක් සහිත නාගයාගේ ලාංඡනය සෞභාග්‍ය සංකේතවත් කරන අතර එයද උරුසිට වැවේ වැව් බැම්මේ කැටයම් කර තිබී ඇත. සෞභාග්‍ය සංකේතවත් කරන මෙම ලාංඡනයෙන් අපගේ ඉදිරි මඟ හා අප මාතෘභූමිය වෙනුවෙන් සාක්ෂාත් කර ගැනීමට බලාපොරොත්තු වන දේ පිළිබිඹුවේ.

වැඩිදුර විස්තර සඳහා:

නවෝත්පාදන, නව්‍යකරණ සහ ව්‍යපාර නිර්මාණ කවුන්සිලය
http://innovation.sjp.ac.lk/

නවෝත්පාදන, නව්‍යකරණ ප්‍රදර්ශනය
http://innovation.sjp.ac.lk/exhibition/

 

Related Posts Plugin for WordPress, Blogger...

News