විශ්වවිද්‍යාලය පසිඳු සිසුවා හට ඉක්මන් සුවය ප්‍රාර්ථනා කරන අතර වරදකරුවන් සොයා බලා ඔවුන්ට එරෙහිව සුදුසු ක්‍රියාමාර්ග ගනු ඇත

කළමනාකරණ අධ්‍යයන හා වාණිජවිද්‍යා පීඨයේ පළමු වසර ඉගෙනුම ලබන පසිඳු හිරුෂාන් සිසුවා විශ්ව විද්‍යාල පරිශ්‍රයේ සිදුවූ හදිසි අනතුරකින් බරපතල තුවාල ලබා තිබේ. ශ්‍රී ජයවර්ධනපුර විශ්ව විද්‍යාලයේ වැඩබලන උපකුලපතිතුමා සහ ප්‍රොක්ටර්තුමා බරපතල ශල්‍යකර්මයකට භාජනයවී නැවත සිහි ලබා ඇති එම සිසුවා බැහැදැකීමට ඔහු වෙත පැමිණි අතර ශ්‍රී ලංකාවේ හෝ විදේශයකදී ශිෂ්‍යයාට ලෝකයේ හොඳම ප්‍රතිකාර ලබා ගැනීමට වග බලා ගැනීම සඳහා හා එම වියදම් සම්පූර්ණයෙන්ම විශ්වවිද්‍යාලය විසින් දැරීමට විශ්වවිද්‍යාලය පරිපාලනමය තීරණයක්ද ගෙන තිබේ.

විශ්වවිද්‍යාලය විසින් ලබා දී ඇති තොරතුරු මත ජේය්ෂ්ඨ නියෝජ්‍ය පොලිස්පති, දේශබන්දු තෙන්නකෝන් මහතා සහ පොලිස් විමර්ශන කණ්ඩායම මේ වන විටත් සිද්ධියට සම්බන්ධ පුද්ගලයින් හඳුනා ගැනීම සඳහා පරීක්ෂණ ආරම්භ කර තිබේ. ඒ අනුව නුදුරු අනාගතයේදී මෙම සිද්ධියට සම්බන්ධ සිසුන් අත්අඩංගුවට ගනු ඇත. හිතාමතාම ද්වේෂ සහගත චේතනාවකින් මෙම සිදුවීම සිදුවී ඇති බව පරීක්ෂණයෙන් සනාථ වුවහොත්, වරදකරුවන් හට නිසි දඬුවම් ලබාදී ශිෂ්‍යයාට සාධාරණය ඉටු කිරීමට විශ්වවිද්‍යාලය අවශ්‍ය පියවර ගනු ඇත.

එතෙක් අපි ශිෂ්‍යයාගේ සුවය සඳහා විශ්වවිද්‍යාලයක් වශයෙන් අපගේ උපරිමයෙන් හැකි සියලුම දෙය කරන්නෙමු. අපි ඔහු සමඟ සහයෝගයෙන් සිටිමින් ඔහුට ඉක්මන් සුවය ප්‍රාර්ථනා කරමු.

Related Posts Plugin for WordPress, Blogger...

Upcoming Events

There are no upcoming events at this time.

News